1. Tipos de traballos para facer (metodoloxía).
- Crear entradas propias no blog (vos escolledes temática e presentación pero sempre que estén relacionadas coa materia) ao longo de todo o curso.
- para todos, de xeito voluntario, nunha sección ou páxina que tedes que crear e que chamaredes VOLUNTARIOS
- Facer as entradas ou actividades obrigatorias no blog (aparecen na páxina principal do blogue de Cultura Científica) ao longo de todo o curso.
- para todos, obrigatorias, na páxina principal do voso blog, o título será actividade nº ....
- este apartado conta como ata un máximo de 50% da nota (ata 5 puntos)
- Facer os informes obrigatorios impresos ou en pendrive das distintas unidades ou temas do curso. Os que teñades o libro da materia (recomendado) podedes utilizalo como punto de partida para facer os informes.
- este apartado conta como ata un máximo de 20% da nota (ata 2 puntos)
- Facer probas de coñecementos avaliables (exames)
- este apartado conta como ata un máximo do 40% da nota (ata 4 puntos)
2. Como facer as tarefas (procedementos)
- Para as entradas no voso blog sempre procurade que teñan un aspecto "uniforme" , empregade o mesmo tipo de letra e o mesmo formato, a extensión de cada entrada vai variar pero evitade entradas moi curtas ou moi longas, cas imaxes que engadides as entradas as mesmas recomendacións. é obrigatorio ponerlle o nome da actividade.
- Para os informes a entregar empregaredes distintos procedementos: informes escritos cun procesador de texto; presentacións tipo Power point ou Prezi; infografías; mapas conceptuais e mentais, webmix ...
- Dependendo do caso os informes os colgaredes como unha páxina estática do blogue ou os entregaredes impresos ou en pendrive.
- As infografías e os mapas conceptúalis as colgaredes como sendas entradas do voso blogue (para iso unha vez feitas lles facedes unha captura de pantalla) e logo colocades esa captura no voso blogue na páxina principal. Por outra banda tanto infografía como mapa os tedes que imprimir en A4 a cor.
- Hai moitas aplicacións para facer infografías e mapas, tanto de descarga como on line. Algúns exemplos son Ease.ly para infografías e GitMind, Creately ou Text 2 Mind Map para mapas. Podedes escoller calquera destas ou doutras, pero o meu consello é que miredes algo que non se soe ter en conta, unha vez feitos a infografía ou o mapa se vos permiten descargar o resultado e en que formado.
- Se nos dera tempo no terceiro trimestre crearíamos unha webmix con Symbaloo.
3. Cales son as unidades do curso (programa)
- As seguintes unidades resulta da adaptación ao formato do blog dos contidos que aparecen na programación da materia.
- A secuencia na que imos a dar as unidades e, polo tanto, as unidades que forman parte de cada avaliación pode variar na súa orde.
- Non hai un libro da materia obrigatorio, pero si recomendado. Nese libro podedes atopar moita da información necesaria para facer as actividades dun xeito resumido e claro, pero tendo en conta que un dos obxectivos da materia é a procura e análise crítico de información científica en xeral o uso da rede como fonte de información sempre é necesaria.
1ª avaliación - UNIDADES 0, 1 e 2.
O UNIVERSO e SISTEMA SOLAR (repaso), A TERRA E A VIDA.
- A cultura científica.
- Ciencia e sociedade.
- A imaxe actual do Universo. (repaso)
- O Sistema Solar. (repaso)
- A Terra, un planeta dinámico.
- Unha viaxe cara ao interior da Terra.
- Wegener: os continentes se moven.
- As placas terrestres: oróxenos, volcáns e terremotos.
- A máquina Terra.
- Historias da Terra.
- A receita da vida. O ADN
- Que é a vida? A orixe da vida.
- As probas da evolución contra o Fixismo.
- Darwin: os seres vivos evolucionan.
- A diversidade da vida.
2ª avaliación - 3, 4, 5, 6 e 7.
O SER HUMANO, A REVOLUCIÓN XENÉTICA; MEDICIÑA
(esta avaliación está baseada en que os seus contidos forman un bloque moi diferenciado dos das outras avaliacións, pero a súa amplitude pode requerir que parte destes contidos se avalíen tanto na 1ª avaliación como na 3ª)
- Teorías sobre a orixe da humanidade.
- Dos primates aos homínidos.
- Orixe e liñas evolutivas da estirpe humana.
- Humanización.
- A revolución xenética. Historia.
- O ADN e os xenes.
- O xenoma humano. A epixenética.
- Enxeñería xenética.
- Células nai e clonación.
- Que é a biotecnoloxía? Aplicacións.
- Transxénicos.
- Historia da mediciña.
- Saude e sanidade.
- Fármacos e medicamentos.
- Técnicas de diagnóstico (radiografía, TAC, resonancia, ecografía, mediciña nuclear, electroencefalograma)
- Os transplantes.
- As alternativas á mediciña científica.
3ª avaliación - UNIDADES 8 e 9.
NOVAS TECNOLOXÍAS
- Información e sociedade.
- Informática e ordenadores.
- Compoñentes dun ordenador (apartados 2 e 3)
- Analóxico vs dixital (apartados 4 e 5)
- Multimedia.
- Internet: un mundo interconectado.
- HTML: a linguaxe de internet (inclúe dirección URL e IP)
- Os problemas de Internet (spyware, adware, internet escuro ...)
- As redes sociais.
- Privacidade e seguridade na rede.
- Fibra óptica e tecnoloxía led.
- Sistemas de posicionamento por satélite.
- Telefonía movil, smartphones.
- Outras tecnoloxías dixitais (smart tv ...)
- Mañá é o futuro.
4. Avaliación dos traballos.
Nas actividades obrigatorias no blog (as entradas) a puntuación de cada entrada dependerá dos contidos desta (a súa dificultade e importancia) e do número de entradas (polo xeral unhas 20) que se fagan en cada avaliación. Como norma xeral a puntuación estará comprendida entre 0,2 e 0,5 puntos por entrada.
- Periódicamente correxirei as entradas que se vaian facendo, se hai erros graves nelas farase un comentario na propia entrada e, por outra banda, se hai unha o mais entradas se facer non se avisará, pois ata final do trimestre pódense facer.
- En relación co apartado anterior as entradas non se puntuarán ata o final da avaliación.
- Como procedemento xeral empezarase a correxir dez días antes da avaliación e rematarase unha semana antes da mesma. O remate do prazo anunciarase no blog.
- As entradas que non se fixeron, dado que é unha avaliación contínua, deberanse de facer na orde que lles corresponda antes das entradas da seguinte avaliación.
Os exames anunciaranse no blog. Preferentemente empregarase a aula virtúal.
5. Recuperación da materia suspensa.
Nas actividades obrigatorias no blog hai que facer o seguinte:
- Na páxina principal do voso blog creades unha sección chamada RECUPERACIÓN. Se non o sabedes facer preguntádeme.
- As entradas que, durante o curso, non se fixeron ou se fixeron mal as colocades en orde do mesmo xeito que se fai normalmente.
Os exames farase un exame de recuperación. Preferentemente empregarase a aula virtúal.