Revisión de blogs

 Como xa vos avisei, o vindeiro fín de semana farei a primeira revisión dos vosos blogs. Tedes que procurar que todas as actividades, incluindo o mapa de conceptos, estén feitas. Non se avaliará, pero tomarei nota dos que ides moi retrasados.

A verdadeira revisión comenzará aproximadamente uns 15 días antes da vosa avaliación, entón colgarei un aviso de

e xa non poderedes engadir ou modificar as actividades feitas.

Actividade 24-28: Facer un informe

 Empezamos a facer un "informe científico" sobre o Orixe e evolución da Terra.

Seguide estes pasos:

1- Mirar o/s video/s sobre o Orixe da Terra que están na páxina Recursos Temas. Ide tomando notas sobre as distintas etapas tanto dende o punto de vista xeolóxico como biolóxico, anotade cando sucederon e, opcionalmente podedes engadir algunha imaxe, táboa ...

2 - Se algo non quedou claro preguntádeme ou ben procurade información en internet.

3 - Crear o informe a partir dos datos. Un informe debe de diferenciar claramente os apartados indicados no punto 1. Tamén o autor/a e en caso de utilizar distintos recursos de onde proceden.

Empregade o seguinte formato de texto: Título arial 24 negrita; subtítulo arial 20 negrita; texto arial 16; pe de imaxe arial 12 cursiva.

O informe debe de ter unha extensión mínima de 1 páxina, sen contar con imaxes ou similares.

4 - Gardar o informe no formato do procesador que utilicedes (vos permitirá modificalo se é necesario) e en .pdf (para imprimilo de xeito doado). 

5 - Entregar o informe.

 

 

Actividade 21: A Cultura científica.

Imos ver como se traballa ca nosa materia noutros blogs. Para facelo tedes que ir a entrada deste blog titulada Que é a Cultura científica? do 25/9/2019 onde hai unha actividade para facer.

Actividade 20: Permíteme acceder ao teu blog e información sobre a avaliación

 Na páxina protagonistas deste blog tedes instrucións para que, dende esa páxina, eu poda enlazar cos vosos blogs. Vos tamén podedes consultar o que están facendo @s compañeir@s ... pero NADA de copiar ... para iso sodes compañeir@s 😀

Aproveito esta entrada na que non tedes moito traballo 😀para lembrarvos ca vosa avaliación total xurde de tres valoracións parciais: 

- As tarefas obrigatorias feitas no voso blog e o deseño do mesmo. Xa sabedes que podedes incluir outras entradas de xeito libre sempre que estén relacionadas, dalgún xeito, cos contidos da materia.

- Os informes e mapas de conceptos que están nas follas de tarefas. A diferencia entre estes e as tarefas é que os primeiros deben de entregárseme en papel ou pendrive e que teñen unha maior extensión ou ben son máis complexos. Se queredes tamén os podedes colgar como entradas do blog.

- Os exames escritos de cada unidade.

Actividade 19: O método científico.

 A primeira entrada no blogue neste curso non podía ser outra -co permiso do omnipresente COVID- que unha relacionada co Método científico, o punto de partida indispensable na procura de divulgar a CIENCA entre vos, alumn@s de bacharelato, independentemente do itinerario formativo elixido.

Así que, se queredes ter Cultura Científica, comenzade a facelo co seu método.

Nesta dirección Método científico atoparedes unha introdución sobre o método científico.

A tarefa consistirá en:

1. Ler comprensivamente e preguntarme as posibles dúbidas.

2. Comenzamos a facer un dicionario da materia. Define: empirismo, filosofía, hipótese, teoría.

3. Cal foi a contribución de Galileo e de Descartes ao método?

3. Fai un esquema indicando as etapas do método científico.

4. Escolle un exemplo para explicar as etapas do método.

Actividade 18: Actualizar datos e crear o voso blogue.

Como xa vos comentei, neste curso ides a utilizar un blog ou blogue coma se fora a vosa libreta da materia. Tentaremos utilizar menos papel facendo as tarefas de xeito dixital. 

Para crear o voso blogue necesitades: 

- Ter un correo gmail. 

- Cubrir algúns datos persoais e crear unha clave para acceder ao blogue. 

- Darlle un nome. 

- Logo anotar nun sitio seguro e onde o poidades consultar, tanto a dirección do voso blogue ¡tede cuidado en copiala ben¡ como a clave de acceso. 

O faremos na clase todos xuntos. 

Saúdos.

Actividade 17: Test de Cultura Científica.

Derradeira actividade do curso. 
Onte enviei por correo un sinxelo test sobre Cultura Científica con instrucións para facelo e data límite de entrega. 
Lembrovos que enviei dous correos (o segundo rematou o 18 de maio) para que confirmárades a vosa situación, recibo de tarefas e modalidade de entrega. Moitos non contestáchedes a ningún deles, pero entendo que, de tódolos xeitos a principal canle de realización de tarefas é este blogue e os seus enlaces aos vosos blogues.

Aclaracións e fin de curso

Bo día, prezados alumn@s de Cultura Científica.

O pasado mércores a ministra de educación estableceu dunha forma moi xenérica como se vai a desenvolver o que resta este curso. Agora tócalle as comunidades autónomas con competencias en educación o concretar e implementar aquelas liñas básicas e logo, nunha estrutura piramidal, serán as direccións do centros educativos as que estableceran como levar á práctica dita implementación establecendo o procedemento a seguir. A día de hoxe (18 de abril) non sabemos nada.

Dito isto, e en espera a que o profesorado reciba instrucións, queda claro que:

1.      - A repetición de curso contémplase como algo moi excepcional e que debe de ser debidamente xustificado.

2.     - Agás en 2 bacharelato e 4 eso, o terceiro trimestre empregarase para reforzar contidos da primeira e segunda avaliación e para establecer procedementos de recuperación ao alumnado que o necesite. É dicir, os novos contidos non son avaliables.

3.      

É isto como vos afecta?

Pois afortunadamente nesta materia pouco. Seguiredes facendo o blogue e a nota final de curso dependerá deste. 

1 - Comprobar que tedes todo feito das avaliacións1 e 2. Adicionalmente eu subirei ao blogue novas tarefas sobre os contidos dados: Internet, Novas tecnoloxías e Novos materiais da avaliación 1 e Planeta Terra, Vida e Material xenético da avaliación 2. Os mapas de conceptos e as infografías que se entregaban por escrito se non as tedes NON HAI QUE FACELAS.

2 - Facer as novas tarefas no voso blogue. NON HAI QUE MANDAR NADA POR CORREO. Iso era para enlazar coa vosa webmix e para enviarme a presentación por powerpoint. Xa está puntuado na segunda avaliación e NON SE ADMITE ENVIALOS AGORA.

3 - Revisar semanalmente o blogue da materia por se hai novas tarefas. En principio NON AS VOU A MANDAR POR CORREO xa que @s que contestaron aos meus correos anteriores (e non tod@s o fixeron) non tiñan problemas para facer o blogue. O meu correo de contacto queda para dúbidas ou problemas. Indicade nome e curso.

A coidarse e a aproveitar o tempo.

Fran.

AVISO COVID19

Apreciadas alumnas e alumnos.
A suspensión das clases ata o 27 de marzo levará previsiblemente a un atraso na segunda avaliación. Polo tanto, e consecuentemente, QUEDA ANULADA A ENTREGA DE TAREFAS DA SEGUNDA AVALIACIÓN prevista para a vindeira semana.
Non obstante, como sabedes, os acontecementos relacionados con esta crise cambian diariamente, e non sabemos en realidade cando voltaremos as clases. Por todo isto insisto en que DEBEREDES DE TER OS TRABALLOS IMPRESOS E O BLOGUE REMATADOS PARA CANDO SE ANUNCIE A VOLTA AS CLASES.
As presentacións en PowerPoint ou similar e calqueira dúbida ao respecto as podedes mandar al meu correo educatronic@aol.com qué será a nosa cable de comunicación.

Traballos da 3ª avaliación

Podedes ir escollendo os temas individuais da 3ª avaliación cos que traballaredes dun xeito similar ao feito 2º avaliación (informe, presentación ...) están colgados na sección TRABALLOS.
Hai un tema por alumn@ polo que @s primeir@s terán vantaxa. Cando elixades anótovos.

Actividade 11: O 11 de febreiro

Co gallo do "Día internacional da muller e da nena en Ciencia" o 11 de febreiro  no IES Escolas Proval organizaremos, como noutros cursos, unha exposición de científicas de tódalas épocas e os seus descubrimentos e achegas.
Tamén organizaranse dúas charlas a cargo de recoñecidas científicas galegas.

Vos participades activamente creando eses carteis. ANIMO e facede un bo traballo.

As Webmix de Cultura Científica

Publico algunhas das webmix feitas noutro curso e relacionadas coa Terra e a Vida para que vos fagades unha idea do traballo a realizar.
Puntuarase: a calidade das entradas; o número delas; a súa diversidade (enlaces a blogs, páxinas web, textos, imáxes, animacións, vídeos ,,, ) e o aspecto xeral da webmix.

de Alberto
de Alejandro
de Mailys 
de Iago

(as webmix estan elixidas ao chou, independentemente da súa calidade)