Procariota vs eucariota?

No seguinte enlace tedes unha noticia moi recente que pode cambiar o arbol da vida e un dos principios da clasificación dos seres vivos 

Superbacteria

Actividade 46: As primeiras civilizacións.

 Seguindo ca presentación da Historia da mediciña, pasamos a estudar as primeiras civilizacións. Procurade información sobre:

- Indica algúns dos escritos das antigas civilizacións de Medio oriente, China, India, Exipto etc. que traten sobre temas relacionados ca saúde a a mediciña.

Actividade 45: Os orixes máxicos da mediciña.

  A mediciña naceu ligada aos poderes da natureza e sobrenaturais, ao temperamento cambiante dos deuses e dos espíritos malignos. Ides a indagar sobre isto, sobre chamáns, bruxos e bruxas, druidas ...

Buscade información e preparade un pequeno informe (entre 10 e 20 liñas) que colgareides como entrada no blog sobre aquelas persoas que xurdiron en todalas sociedades antigas e que, utilizando os seus supostos poderes máxicos, acadaron un importante posto nestas sociedades. 

Actividade 44: A historia da mediciña.

No seguinte enlace tedes unha presentación sinxela sobre a historia da mediciña

  Historia da mediciña

É obrigatorio mirala detenidamente ... a empregaredes en breve como base para facer distintas entradas do blog.  🤔

Actividade 43: Dúas maravilas.

 Para rematar o segundo bloque da materia quero escoller un artigo científico cun enfoque moi especial e que enlaza o Universo e a Vida. Ide ao seguinte enlace, lede e facede un comentario sobre o mesmo e, se queredes, a vosa opinión.

Tedes un Universo no voso cerebro?

Mediciña, xenes e biotecnoloxía.

 Iniciamos o bloque 3 onde estudaremos os seguintes contidos:

 - Historia da mediciña.

 - Diagnóstico e tratamento de enfermidades.

 - Que son os xenes?

 - O xenoma humano.

 - Fundamento da biotecnoloxía.

 - Transxénicos, células madre, clonación e terapia xénica.

 

Espero que vos parezan interesantes 👏

Novo bloque de contidos.

 

Iniciamos o terceiro bloque de contidos do curso que ten dúas partes:Mediciña e Xenética e Biotecnoloxía.

Infografía: Traballo para entregar.

 Chegou a hora de crear unha infografía sobre a unidade a evolución humana.

No libro de texto (páxina 44) tedes un exemplo dunha infografía que vos pode servir de modelo, pero o aspecto da infografía é totalmente libre. Fixádevos nos exemplos da actividade anterior.

A infografía ten que representar como foi evolucionando a especie humana ao longo do tempo. 

Polo tanto ten que incluir:

- Imaxes (en formato pequeno) das distintas especies que se foron sucedendo na evolución. Non vae unha soa imaxe.

- Nome da especie, data aproximada de cando viviú e zona onde se localizaron os seus fósiles.

- Na infografía hai que facer un mínimo de 6 especies de entre as 12 seguintes procurando diversificar entre os distintos géneros:

    - Ardipithecus Rámidus.

    - Homo Antecesor.

    - Homo Hábilis.

    - Australopithecus africanus.

    - Homo Neanderthalensis.

    - Orrorin Tunengensis.

    - Australopithecus anamensis.

    - Homo Sapiens.

    - Homo Ergaster.

    - Australopithecus afarensis.

    - Homo Rudolfensis.

    - Homo Geórgicus.

Tedes ata o venres 17 de marzo para entregala impresa, coma sempre facede unha captura de pantalla para colgala do voso blog.

Mapa de conceptos: a química da vida.

 Para rematar con esta unidade da Vida e a evolución deixo unha infografía creada con Xmind, un programa que permite facer infografías on line ou descargando dito programa. En ambos casos trátase dunha versión de proba coas conseguintes limitacións, fundamentalmente que deixa unha marca de propiedade no resultado final (facilmente ocultable, por outra banda).

Algunhas recomendacións:

- Aínda que podedes empregar varias aplicacións para facer os mapas e preferible usar sempre a mesma, especialmente se usades as plantillas que todos teñen por defecto pois o seu deseño normalmente non vai a coincidir entre os programas.

- É preferible que os vosos mapas teñan un deseño similar. É o voso estilo, que aparecerá periódicamente no blog.

- Antes de escoller a aplicación que ides a utilizar, dedicade un tempo a probar entre as moitas opcións que hai, especialmente importante é que vos permita gardar o resultado nun formato que poidades exportar a outros documentos (como os informes deste curso) e que, por outra banda, sexa facil de colgar no voso blog. Para os informes recomendo gardalos como .pdf; para o blog como formato de imaxe (.jpg .pgn .gif ...)

Actividade 42: O encéfalo.

 Nesta entrada aprenderemos como foi evolucionando o cerebro nos vertebrados ata acadar o seu máximo desenvolvemento na especie humana.

Na páxina recursos está o vídeo (6:25) Logo de miralo facede unha entrada contestando:
  1. Cal é a parte máis primitiva do noso cerebro? cal é a súa función?
  2. Que parte do cerebro desenvolveuse coa aparición dos mamíferos? que nos aportou?
  3. Que é e de que se encarga o neocortex?
  4. Cal é a diferenza fundamental a nivel do encéfalo entre os humanos e os chimpancés?

Actividade 41: Neandertais.

Neandertais e Homo sapiens convivimos durante un longo tempo. Logo os primeiros desapareceron ...

Nesta entrada tes que facer un breve informe (entre 15 e 20 liñas) contestando a: cando desapareceron?, por qué desapareceron? cruzáronse cos Homo sapiens? e para rematar, onde se teñen descuberto os restos máis recentes (que indicarían os últimos lugares onde viviron)

Actividade 40: O proceso da hominización.

 O traballo impreso desta avaliación é facer unha infografía da evolución humana. Cando o elaboredes observade as moitas especies e xéneros que constitúen o "noso árbore xenealóxico". Pero dentro desa variedade podemos observar como o proceso evolutivo seguíu unhas tendencias determinadas que, ao longo do tempo, nos foron afastando das características dos primates como, por exemplo, o andar bípedo ou o aumento do cráneo.

Nesta entrada tes que ampliar cales foron ditas tendencias evolutivas.

Crear infografías (parte 2)

Hai moitas aplicacións online para crear infografías de xeito gratuíto. Na maioría dos casos o único requisito de uso é contar cunha conta de correo electrónico. Podedes escoller a que máis os convenza.
Un exemplo é easel.ly que permite deseñar impactantes infografías, ben de xeito libre ou baseadas en modelos predeseñados.

En resume o proceso de creación é:
- Rexistrarse.
- Elixir entre o uso de patróns ou dun lenzo en branco.
- Inserir texto, datos ou imaxes sobre o tema elixido.
- (opcional) Inserir os obxectos predefinidos polo programa da libraría deste.

Dous exemplos de infografías sobre o cambio climático.