Actividade final: O cine como recurso educativo

O cine en xeral, e a ciencia-ficción en particular, é un recurso educativo moi motivador para abordar diferentes aspectos da ciencia, da tecnoloxía e da ética. As películas ofrecen, xunto coas liñas de argumento máis convencionais e comerciais, unha visión do Universo-Terra, da humanidade, da bioloxía e a tecnoloxía e de todas as implicacións que entre elas se establecen que fainos reflexionar, aprender e por suposto emocionarnos.
Neste sentido os obxectivos que procura a materia de Cultura Científica é a súa programación son especialmente axeitados para o seu uso.
Por todo isto e, como remate do curso, ides a facer unha actividade que consiste no visionado e posterior comentario dalgunhas películas de ciencia ficción que tratan diferentes temas relacionados coa materia.

Tedes que facer o seguinte:

- do listado de abaixo escollede unha película. Decídeme cal é, e convinte que antes vos informedes de        que vai.

- cando estén todas escollidas durante 3 ou 4 clases visualizaredes a película.. Evidentemente ten que       estar en contido aberto por internet, É obrigatorio facelo na clase e empregar auticulares.

- unha vez rematada de ver tedes que facer un texto escrito para entregar có título da película é un comentario que inclúa:

    - datos sobre a película: ano, director/a, protagonistas ...

    - argumento detallado.

    - que temas relacionados coa ciencia se tratan na película como por exemplo, a clonación, a vida                    extraterrestre, medioambiente etc. Hai que comentalos.

    - valoración persoal.

Os dous últimos apartados teñen que ser creacións propias, non vai valer o copialas de internet. Logo, nas seguintes clases se da tempo expoñeredes a vosa película e faremos un turno de preguntas.

A orde das películas non responde a ningún criterio.

Intellestelar (Christopher Nolan, 2014)

2001: unha odisea do espazo (Stanley Kubrick, 1968)

Alien 1 (Ridley Scott, 1979)

I.A. (Steven Spielberg, 2001)

Avatar 1 (James Cameron, 2009)

Matrix, triloxía dirixida polos hermanos Wachowski en 1999 e 2003

Moon  (Duncan Jones, 2009)

Blade Runner 1 (Ridley Scott, 1982) Hai unha nova versión do 2017 dirixida por Denis Villeneuve.

Dune  (David Lynch, 1984)

Distrito 9

Prometheus (Ridley Scott, 2012)

 Gattaca (Andrew Niccol, 1997)

Planeta de los simios 1 (varios) Saga formada por 9 películas que se iniciou en 1968 e cuxa derradeira película é do ano 2017.

Sunshine (Danny Boyle, 2007)

Hijos de los hombres

Metrópolis (Fritz Lan, 1927) 

Mad Max: Furia en la carretera (2015)

Guerra das galaxías (varios) Probablemente a máis famosa e valorada saga da ciencia ficción cinematográfica. O universo Stars Wars inclúe varias triloxías, precuelas e secuelas e outras películas relacionadas. En total 10 películas principais  estrenadas dende 1977 a 2017 ... e se esperan novas entregas.

Páxinas sobre ciencia

 Hai vai o derradeiro exemplo dunha interesante páxina sobre ciencia en castelán:Materia

 

MATERIA  é unha webde ciencia, medio ambiente, saúde e tecnoloxía, que está online dende xullo de 2012.

MATERIA conta cunha redación experimentada e multipremiada, dedicada en exclusiva a elaborar información de alta calidade, con rigor e independencia.

MATERIA ten un consello editorial formado por algún dos máis prestixiosos profesionais da ciencia, a tecnoloxía, o medio ambiente e a saúde en español.

(tomado da páxina web)

Crear infografías (parte 2)

Hai moitas aplicacións online para crear infografías de xeito gratuíto. Na maioría dos casos o único requisito de uso é contar cunha conta de correo electrónico. Podedes escoller a que máis os convenza.
Un exemplo é easel.ly que permite deseñar impactantes infografías, ben de xeito libre ou baseadas en modelos predeseñados.

En resume o proceso de creación é:
- Rexistrarse.
- Elixir entre o uso de patróns ou dun lenzo en branco.
- Inserir texto, datos ou imaxes sobre o tema elixido.
- (opcional) Inserir os obxectos predefinidos polo programa da libraría deste.

Os mapas mentais

Neste curso imos a empregar os mapas mentais ou conceptuais. Non son exactamente o mesmo, pero nos os empregaremos indiscriminadamente.

Un mapa conceptúal é unha forma moi sinxela e efectiva de presentar unha información. Só ten dous compoñentes: os conceptos (que para diferencialos soen estar nunha "caixa") e as conexións (representadas por liñas e que, na maioría dos casos, poden conter unha ou máis palabras) que servirán para enlazar dous conceptos.

No seguinte enlace hai unha explicación sinxela do que son os mapas mentais e cal é a súa utilidade. Céntrase na aplicación Text2 Mind Map pero é aplicable a outras aplicacións similares como Creately.  
Recomendo que o leades para entender cal é o obxectivo deste tipo de traballo.
Text 2 Mind Map

Actividade 2: A cultura científica

¿Que é isto da Cultura Científica?

Unha boa maneira de informarse de que vai a materia é visitando os moitos blogs, páxinas web, vídeos ... que tratan de aspectos relacionados coa Cultura Científica. Moitos destes recursos están feitos por alumnos e profesores e son realmente interesantes.

Nesta actividade navega pola rede e busca un mínimo de 5 blogs relacionados coa materia da Cultura Científica. 
 

Que debes de incluir na entrada: 

  - Que temáticas (bioloxía ...) abarca esta materia?

  - Crear unha listaxe de ligazóns  (mínimo 5) dende o teu blogue a aquelas páxinas que che parezan interesantes. En cada caso comenta que aspectos gústanche máis de cada blogue e cales menos. Se queres podes facer capturas de pantalla e pegalas.

  - Fai unha valoración xeral sobre as páxinas atopadas. 

  - Publicar na páxina principal.

As Webmix de Cultura Científica

Publico algunhas das webmix feitas noutro curso e relacionadas coa Terra e a Vida para que vos fagades unha idea do traballo a realizar.
Puntuarase: a calidade das entradas; o número delas; a súa diversidade (enlaces a blogs, páxinas web, textos, imáxes, animacións, vídeos ,,, ) e o aspecto xeral da webmix.

de Alberto
de Alejandro
de Mailys 
de Iago

(as webmix estan elixidas ao chou, independentemente da súa calidade)

Actividade 10: Crear unha webmix de Cultura Científica

Para facer a webmix (literalmente mestura de webs, aínda que pode haber outros recursos) deberedes de:

1 - Informarse de que é e como funciona Symbaloo. Tedes no blogue exemplos de symbaloos e tutoriais.

2 - Rexistrarse na súa páxina.

3 - Facer probas de como se usa o programa. É bastante intuitivo.

4 - Crear os seguintes grupos de recursos que se corresponden cos distintos bloques da materia de Cultura Científica.

5 - Os bloques son: a) A Terra e o sistema solar  b) A vida e os seres vivos  c) Mediciña  d) ADN, xenética e biotecnoloxía  e) Internet e datos   f) Tecnoloxías do presente e do futuro, g) Científic@s
Tamén podedes engadir outros bloques persoais pero sempre relacionados coa Ciencia.

6 - Ao longo do curso cando atopedes algún recurso que vos interese incluídeo na vosa webmix.