Actividade 63: Dicionario de acrónimos.

 Con esta entrada iniciamos a derradeira unidade do curso que xira en torno e ese concepto tan amplo que é o da tecnoloxía e, dentro dela, dela imos a comenzar por internet.

A popularización das novas tecnoloxías, coa súa lingüaxe propia, fai que -cada vez máis- empreguemos acrónimos (palabras formadas polas iniciais, e as veces por máis letras, doutras palabras) dos que descoñecemos o seu significado. Por exemplo, ESO e un acrónimo de Educación Secundaria Obrigatoria.

A actividade consiste en crear un dicionario de acrónimos relacionados con internet. Que hai que facer?
- Procurar un mínimo de 10 acrónimos relacionados con internet, por ejemplo de computación, redes, software, "nube", etc. 
- Publicalo como un dicionario (é dicir, en orde alfabético), por exemplo:

        ESO: acrónimo de Educación Secundaria Obrigatoria.

Actividade 60: Biotecnoloxia (segunda parte)

1. Define organismo tranxénico.

2. En que consiste a enxeñería xenética?

3. Que son os órganos biónicos?

4. Que é o transhumanismo?

Actividade 59: A biotecnoloxía.

 A biotecnoloxía ou a tecnoloxía da vida é unha ciencia que pretende aplicar a tecnoloxía aos principios básicos da vida. Ides a descubrir algunhas das súas características.

1. Define dun xeito máis exacto que é a biotecnoloxía.

2. Cales son os campos de aplicación da biotecnoloxía?

3. Históricamente unha das primeiras aplicacións da biotecnoloxía foi o descubremento da penicilina en 1928. Como foi?

4. E que ten que ver a ovella Dolly con todo isto?

Actividade 56: Os transtornos mentais.

 As enfermidades mentais afectan aos procesos afectivos e cognitivos, ao comportamento, ao estado anímico e ao propio pensamento. Na sociedade actúal, co seu ritmo frenético, algúns deses transtornos adquiren unha gran importancia como no caso das ansiedades (como as fobias), nas alteracións das condutas alimentarias (por exemplo, a anorexía), nos transtornos de estado de ánimo (como as depresións) e moitos outros.

Tes que escoller tres enfermidades mentais de distinta índole. De cada unha describe:

- Tipo ou categoría do transtorno.

- Descrición do transtorno.

- Incidencia na poboación (preferiblemente no caso de España).

Actividades 53-55: A información xenética.

Iniciamos con esta entrada unha nova unidade do curso: Os xenes, a información xenética e a biotecnoloxía.

Neste caso cambiaremos a metodoloxía. Ide a páxina TEXTOS do blog da materia, buscade o texto A INFORMACIÓN XENÉTICA. Veredes que, en realidade son catro textos.

Empezade polo primeiro: Reprodución asexual e sexual. Hai que leelo e contestar no voso blog como unha entrada. 

Repetiredes o procedemento anterior cos outros tres textos creando sendas entradas.

Actividade 52: As enfermidades "raras"

Polo menos o 8% da poboación mundial padece enfermidades raras ou pouco coñecidas.

Son un conxunto de afeccións crónicas que afectan proporcionalmente a un número limitado de persoas con respecto ao total da población mundial. Dependendo da enfermidade oscila entre 1 e 50 persoas de cada 100 mil casos.

Estimase que existen mais de 5 mil enfermedades raras diferentes. Pola súa baixa incidencia non se lle destinan recursos suficientes en investigación e tratamento.

O 29 de febreiro celébrouse o Día mundial das enfermidades raras.

Crea unha entrada no blog (15-20 liñas) indicando 5 destas enfermidades. De cada unha indica brevemente o seu nome e síntomas. 

Actividade 51: A mediciña nos séculos XVII-XIX.

 Fai un pequeno informe (de 15 a 30 liñas) describindo, alomenos, as investigacións e descubrementos de tres científic@s no campo da mediciña. de cada un indica nome, datas de vida e morte e descubremento/s.

Actividade 50: A idade media.

  Durante o longo dominio de Roma a influencia dos "galenos" gregos na mediciña foi unha constante. 

O triunfo do cristianismo, como relixión oficial do imperio, supuxo unha nova concepción do que se consideraba unha enfermidade e de como se debía de loitar contra ela. Mentres que, en gran parte de Europa, a mediciña estivo baixo a tutela da relixión noutras zonas como pasou en algúns paises musulmáns seguíanse estudando e ampliando os tratados clásicos. 

Contesta:

1. Cal era a concepción cristiana da enfermidade?

2. A que se encomendou o tratamento dos enfermos? cales eran os hospitais da época?

3. Indica o nome de, alomenos, tres médicos de orixe árabe famosos.

Actividade 49: Coronavirus

A primeira tarefa relacionada coa enfermidade non pode ser outra que a relacionada co COVID e outras enfermidades víricas.

Tedes ques facer un informe (15-20 liñas) que inclúa como mínimo:

- Que son os virus?
- Que é un coronavirus? cantos tipos hai?
- Como se contaxía?
- Como ataca ao organismo?
- Medidas de prevención.

Actividade 48: Diagnose e tratamento.

 O seguinte mapa de conceptos mostra as etapas -dun xeito xeral- no diagnóstico e tratamento das enfermidades así como algunhas novas terapias. Ten como finalidade o presentar os seguintes contidos do blog.

Define: diagnóstico, medicamento, ciruxía, patentes (dos medicamentos) e transplante (de órganos), principio activo.

Actividade 47: Os primeiros médicos.

 No campo da mediciña, como en tantos outros da antigúedade, destacaron os gregos. 

Tedes que facer unha entrada describindo brevemente a vida e as aportacións médicas de Galeno e Hipócrates.

Actividade 44: A historia da mediciña.

No seguinte enlace tedes unha presentación sinxela sobre a historia da mediciña

  Historia da mediciña

É obrigatorio mirala detenidamente ... a empregaredes en breve como base para facer distintas entradas do blog.  🤔

Actividade 43: Dúas maravilas.

 Para rematar o segundo bloque da materia quero escoller un artigo científico cun enfoque moi especial e que enlaza o Universo e a Vida. Ide ao seguinte enlace, lede e facede un comentario sobre o mesmo e, se queredes, a vosa opinión.

Tedes un Universo no voso cerebro?

Actividade 42: O encéfalo.

 Nesta entrada aprenderemos como foi evolucionando o cerebro nos vertebrados ata acadar o seu máximo desenvolvemento na especie humana.

Na páxina recursos está o vídeo (6:25) Logo de miralo facede unha entrada contestando:
  1. Cal é a parte máis primitiva do noso cerebro? cal é a súa función?
  2. Que parte do cerebro desenvolveuse coa aparición dos mamíferos? que nos aportou?
  3. Que é e de que se encarga o neocortex?
  4. Cal é a diferenza fundamental a nivel do encéfalo entre os humanos e os chimpancés?

Actividade 40: O proceso da hominización.

 O traballo impreso desta avaliación é facer unha infografía da evolución humana. Cando o elaboredes observade as moitas especies e xéneros que constitúen o "noso árbore xenealóxico". Pero dentro desa variedade podemos observar como o proceso evolutivo seguíu unhas tendencias determinadas que, ao longo do tempo, nos foron afastando das características dos primates como, por exemplo, o andar bípedo ou o aumento do cráneo.

Nesta entrada tes que ampliar cales foron ditas tendencias evolutivas.

Actividade 37: Extincións.

 Desgraciadamente non temos nin idea da maioría das especies que, nalgún momento, habitaron terras e océanos. Por non saber nin sequera coñecemos cantas especies hai na actualidade. 

Que é o que condiciona as posibles especies que hai nun planeta? Pois fundamentalmente tres causas: os "recursos" necesarios para a vida; o proceso de evolución , que determina que só as especies mellor adaptadas ao medio poden sobrevivir; e finalmente outros factores que fan que, periodicamente, a Terra pase por épocas de grandes extincións.

- Das distintas extincións que se produciron na historia da Terra indica: cando sucedeu cada unha, a que foi debida, 1 ou 2 exemplos de especies que desaparecerón e, se atopas, que porcentaxe de especies se extinguiron. 

Avaliación 2: Traballos e datas

Aínda que non son datas definitivas a 2ª avaliación sería entre o 27 e o 30 de marzo, xusto antes de Semana Santa. 

Dado o tempo que leva correxir blogs, informes e demais as datas de entrega límites son:

- 10 de marzo: derradeiro día para "pechar" as entradas do blogue.

- 1 de marzo: derradeiro día para  entregar a infografía da evolución.. 

- 15 de febreiro: derradeiro día para entregar os traballo impreso de mediciña.  

Logo destas datas (salvo causa xustificada) non se admitiran.

Recomendo levar as entradas ao día e entregar traballos con antelación e así evitar sorpresas.

Lémbrovos que tedes especificadas os requisitos das tarefas na páxina INFORMES e OUTROS deste blogue.

Actividade 31: Algúns conceptos básicos de bioloxía.

 Antes de abordar a orixe e evolución dos seres vivos tedes que familiarizarvos con algúns conceptos básicos. Nesta entrada faredes un dicionario básico de bioloxía. Evitade copiar e pegar pois tedes que atopar definicións sinxelas, curtas e que vos permitan entendelas e estudalas ... lembrade que faremos un exame. 

As palabras a buscar son:

especie, evolución, adaptación // ecoloxía, biotopo, biocesose // célula, procariota, eucariota, organismo.

Actividade 30: Características dos seres vivos.

  Na entrada anterior dicíamos "Cremos saber que características e propiedades son as que "identifican" a algo como un ser vivo..." .

1 - Cales son esas características e propiedades?

Actividade 29: Que é a vida?

 

 Nesta entrada atopamos unha das cuestións máis importantes que a humanidade se pode plantexar e, ata o momento, das máis difíciles de contestar. 

Cremos saber que características e propiedades son as que "identifican" a algo como un ser vivo. Por outra banda, hai certas evidencias de como poideron ser os primeiros habitantes da Terra. Pero, a cuestión principal de que é a vida ou, noutras palabras, como apareceu o primer ser vivo segue sen resolverse.

A ver se ti o sabes? que é a vida?