A vida: Que é Blob?

 A natureza nunca deixa de sorprender. Cantas especies únicas quedan por coñecer no planeta? cantas desaparecerán extinguidas antes de que as coñezamos? cal é o límite entre o que esta vivo e o que non?

Blob

Actividade 34: As formas acelulares.

En entradas anteriores vimos ca diferenza entre o que consideramos un ser vivo nas súas formas máis sinxelas fronte a materia inerte ou sen vida non sempre está claro.

Na anterior actividade vimos que os seres vivos máis primitivos e sinxelos son un grupo moi amplo e descoñecido aos que chamamos xenéricamente bacterias. 

  Soe definirse a célula como o nivel de organización dos seres vivos máis pequeno con vida propia. Por iso é tan importante en bioloxía. Pero na Terra hai outros "seres" que non sendo células parecen ter vida. Será certo isto?.

 Agora tedes que buscar información sobre as formas acelulares e contestar o seguinte:  

1.  Que son? 

2. Que tipos hai? 

3. Son seres vivos ou non? Razoa a resposta.

Actividade 31: Algúns conceptos básicos de bioloxía.

 Antes de abordar a orixe e evolución dos seres vivos tedes que familiarizarvos con algúns conceptos básicos. Nesta entrada faredes un dicionario básico de bioloxía. Evitade copiar e pegar pois tedes que atopar definicións sinxelas, curtas e que vos permitan entendelas e estudalas ... lembrade que faremos un exame. 

As palabras a buscar son:

especie, evolución, adaptación // ecoloxía, biotopo, biocesose // célula, procariota, eucariota, organismo.

Unha nova visión

Apenas coñecemos nada do Universo, e incluso pouco é o que sabemos do noso veciño máis próximo.
Ata fai pouco Marte describíase como un planeta hostil para a vida, un inmenso deserto vermello que agora, coas novas imaxes da NASA, mostra nos polos os inconfundibles tonos azuis da presenta da Auga.

Descubriremos vida en marte?

O "novo" Marte

Actividade 30: Características dos seres vivos.

  Na entrada anterior dicíamos "Cremos saber que características e propiedades son as que "identifican" a algo como un ser vivo..." .

1 - Cales son esas características e propiedades?

Actividade 29: Que é a vida?

 

 Nesta entrada atopamos unha das cuestións máis importantes que a humanidade se pode plantexar e, ata o momento, das máis difíciles de contestar. 

Cremos saber que características e propiedades son as que "identifican" a algo como un ser vivo. Por outra banda, hai certas evidencias de como poideron ser os primeiros habitantes da Terra. Pero, a cuestión principal de que é a vida ou, noutras palabras, como apareceu o primer ser vivo segue sen resolverse.

A ver se ti o sabes? que é a vida?

Biosfera ou Bacteriosfera

 Apenas coñecemos a inimaxinable variedade das bacterias, menos aínda a súa potencialidade.

Cando se comenzou a descubrir este universo vivo microbiano foi, case sempre, en relación co seu efecto patoxeno. As bacterias eran responsables de enfermidades que, as veces, derivaban en terribles pragas como as da tuberculose, a neumonía, o tétanos ou a lepra.

Máis lentamente comprendéronse os efectos beneficiosos que, sobre os seres vivos e o medio ambiente, tiñan as bacterias e que superan con creces o anterior. As bacterias están en todas partes: como descompoñedoras da materia orgánica e integrantes dos ciclos bioxeoquímicos; formando parte da rizosfera das plantas; vivindo en simbiose dentro doutros organismos (como as que forman a flora bacteriana nos intestinos) ou simplemente permitíndonos o saborear alimentos como o queixo ou o iogurt.

Cada día descúbrense novas posibilidades das bacterias. A seguinte noticia é unha proba delo.

Bacteriosfera

Actividade 14: Formas de coñecer o Universo.

O noso coñecemento do Universo procede, dun xeito directo, da información recollida por telescopios, radiotelescopios e outras tecnoloxías. 

Na derradeira década tres instrumentos de observación han destacado especialmente: o telescopio Hubble; o robot Perseverance e o radiotelescopio James Webb.

A actividade consiste en contestar ao seguinte:

Busca información sobre os tres instrumentos comentados. De cada un tes que dicir: ano de posta en funcionamento; onde se atopa; breve descripción e que investiga. Unha vez descrito engade unha imaxe do instrumento e outra imaxe tomada polo instrumento.

As Webmix de Cultura Científica

Publico algunhas das webmix feitas noutro curso e relacionadas coa Terra e a Vida para que vos fagades unha idea do traballo a realizar.
Puntuarase: a calidade das entradas; o número delas; a súa diversidade (enlaces a blogs, páxinas web, textos, imáxes, animacións, vídeos ,,, ) e o aspecto xeral da webmix.

de Alberto
de Alejandro
de Mailys 
de Iago

(as webmix estan elixidas ao chou, independentemente da súa calidade)