Falacias: mentiras disfrazadas de verdades.

Xa estudamos o método científico.

Unha falacia é unha argumentación que ten apariencia de razoamento lóxico, e que pretende, baseándose nese argumento, ser certa. Pero na realidade trátase de algo falso. Hai moitos tipos de falacias e a cultura científica e a ciencia en xeral non están libres delas.

Xa que estamos na unidade do Universo vou poñer dúas das maiores falacias que persistiron durante séculos:

- O modelo xeocentrista, sostido por numerosos e importantes pensadores e que contaba có poderoso apoio da Igrexa. A Terra é o centro do Universo.

- O modelo da creación (e como resultado o Universo) pola acción de Deus. Esta falacia, como outras está baseada en que non se pode probar que Deus non existe e polo tanto é incuestionable.

 

Publicacións científicas.

Logo do que temos traballado sobre a ciencia ides a recopilar algunhas das moitas publicacións que, desta temática, hai en internet. Empezo eu cunha interesante páxina sobre ciencia en castelán:Materia  

 

MATERIA  é unha webde ciencia, medio ambiente, saúde e tecnoloxía, que está online dende xullo de 2012.

MATERIA conta cunha redación experimentada e multipremiada, dedicada en exclusiva a elaborar información de alta calidade, con rigor e independencia.

MATERIA ten un consello editorial formado por algún dos máis prestixiosos profesionais da ciencia, a tecnoloxía, o medio ambiente e a saúde en español.

(tomado da páxina web)

Actividade 7: O programa do curso.

Nas actividades anteriores fixemos unha aproximación xeral a algunhas das características da ciencia. Nesta entrada imos a  coñecer os temas científicos que trataremos ao longo do curso.

Ide á páxina Programación do blog da materia, lede con atención as características e programa e contestade:

1. Que disciplinas ou ramas da ciencia (como a Química) imos a coñecer. Decide, alomenos, 5 exemplos.

2. Definide cada unha delas. 

3. Indicade algunha científica ou científico que destaca ou destacou nesa rama. Cal foi a súa aportación?

E, por suposto, se tedes dúbidas sobre a primeira parte (tipos de traballos, etc) preguntade. 💪

Actividade 6: Ciencia vs pseudociencia.

Xa sabemos que é a ciencia ... pero sabes o que é a pseudociencia. No seguinte enlace atoparás a resposta.

Ciencia en todo  📣 usa auriculares

A actividade consiste en: 

1. Procura na rede algún exemplo de pseudociencia. Describe en que consiste.

2. O exemplo cumpre cos apartados do método científico? Razoa a resposta.

3. Indica outros dous exemplos de pseudociencias.

Actividade 4: A orixe da ciencia moderna.

Continuamos analizando o texto CIENCIA E CULTURA.

 1. En outro momento do texto que non vos figura aparece a seguinte frase  "... cuando se comienzan a superar las limitaciones al conocimiento que supuso asumir que la verdad estaba unicamente en los textos clásicos (civilizaciones griega y romana) y en las creencias religiosas (cristianismo, judaismo) exclusivamente". Que quere dicir esta frase en relación ao orixe da ciencia moderna?

2. En que rama do coñecemento se empregou por vez primeira os criterios científicos? e entre os primeiros científicos, quen destaca ao empregar a experimentación como método?

3. Que son o método inductivo e o método deductivo? Indica un representante de cada método.

Actividade 3: Ciencia e cultura.

 No blog da materia ide a sección TEXTOS. Lede o texto chamado CIENCIA E CULTURA. Logo, no voso blog, creade unha entrada contestando:

1. Brevemente, que foi o humanismo do Renacemento? 

2. Que é o antropocentrismo?

3. Pensas que hai unha separación clara entre ciencia e cultura? Razoa a resposta.